Maxfiylik siyosati

Platforma operatori — “MƏNZİL PARK” Məhdud Məsuliyyətli Cəmiyyəti (VÖEN (STIR): 1703785161; bundan buyon — “Menzil Park”).

Xizmatlar Ozarbayjon Respublikasi Raqamli rivojlanish va transport vazirligi tomonidan shaxsiy ma’lumotlarning axborot resurslarini shakllantirish, axborot tizimlarini yaratish va ularga oid xizmatlar ko‘rsatish uchun berilgan 589-sonli litsenziya asosida ko‘rsatiladi.

Ushbu Maxfiylik siyosati (bundan buyon — “Siyosat”) menzilpark.az veb-saytiga, Menzil Park mobil ilovasiga (iOS va Android operatsion tizimlari uchun), boshqaruv paneliga, shuningdek ular orqali ko‘rsatiladigan barcha xizmatlarga (bundan buyon birgalikda — “Xizmatlar”) taalluqlidir. Menzil Park — yangi qurilgan turar-joy binolari va turar-joy majmualarini boshqarish jarayonlarini raqamlashtiradigan platforma bo‘lib, parking hamda bino boshqaruvi modullaridan iborat.

Shaxsiy ma’lumotlarni yig‘ish, qayta ishlash va himoya qilish Ozarbayjon Respublikasining “Shaxsiy ma’lumotlar to‘g‘risida”gi Qonuniga va boshqa tegishli normativ-huquqiy hujjatlarga muvofiq amalga oshiriladi.

Xizmatlardan foydalanib, foydalanuvchi ushbu Siyosat bilan tanishganini va uning shartlarini qabul qilganini tasdiqlaydi. Siyosat shartlariga rozi bo‘lmasangiz, Xizmatlardan foydalanmasligingizni so‘raymiz.

1. Asosiy tushunchalar

Qisqacha: Siyosatda ishlatiladigan asosiy atamalarning ma’nosi.

Ushbu Siyosatda ishlatiladigan tushunchalar quyidagi ma’nolarni bildiradi:

• Shaxsiy ma’lumot — jismoniy shaxsni bevosita yoki bilvosita aniqlash imkonini beradigan har qanday ma’lumot;
• Foydalanuvchi — Xizmatlardan istalgan shaklda foydalanadigan jismoniy shaxs;
• To‘lov tashkiloti — Xizmatlar doirasida onlayn to‘lovlarni qayta ishlaydigan va tegishli litsenziyaga ega tashkilot;
• Cookie — saytdan foydalanish chog‘ida foydalanuvchi qurilmasida saqlanadigan kichik matn fayli.

2. Qanday ma’lumotlarni yig‘amiz?

Qisqacha: faqat Xizmatlarni ko‘rsatish uchun zarur bo‘lgan ma’lumotlarni yig‘amiz.

Menzil Park shaxsiy ma’lumotlarni faqat Xizmatlarni ko‘rsatish uchun zarur bo‘lgan hajmda yig‘adi. Yig‘iladigan ma’lumotlar tarkibi foydalanuvchining Xizmatlardan qaysi shaklda va qanday maqsadda foydalanishiga bog‘liq.

Bu ma’lumotlarga, xususan, aloqa va hisob ma’lumotlari, xonadon va to‘lov ma’lumotlari, avtomobilning davlat raqam belgisi va kirish qaydlari, shuningdek saytdan foydalanish chog‘ida avtomatik qayd etiladigan texnik ma’lumotlar kirishi mumkin.

Bu ma’lumotlar platformaga faqat Xizmatlarni ko‘rsatish maqsadida kiritiladi va ushbu maqsadga mos kelmaydigan tarzda ishlatilmaydi.

3. To‘lovlar va karta ma’lumotlari

Qisqacha: karta ma’lumotlaringiz Menzil Park’ga uzatilmaydi va bizda saqlanmaydi.

Xizmatlar doirasida onlayn to‘lovlar tegishli litsenziyaga ega to‘lov tashkiloti orqali amalga oshiriladi. Hozirda saytda amalga oshiriladigan onlayn to‘lovlar GoldenPay to‘lov tizimi tomonidan qayta ishlanadi.

Bank kartasiga oid ma’lumotlar (karta raqami, karta amal qilish muddati, CVV/CVC kodi) bevosita to‘lov tashkilotining xavfsiz to‘lov sahifasida kiritiladi va ushbu tashkilotning maxfiylik siyosatiga muvofiq qayta ishlanadi. Menzil Park bu ma’lumotlarni qabul qilmaydi, qayta ishlamaydi va saqlamaydi. GoldenPay’ning maxfiylik siyosati bilan goldenpay.az/policy manzilida tanishish mumkin.

To‘lov operatsiyasi yakunlangandan so‘ng Menzil Park faqat to‘lov tashkiloti taqdim etgan va operatsiya natijasini aks ettiruvchi ma’lumotlarni — to‘lov sanasi, summasi, operatsiyaning identifikatsiya kodi va maskalangan karta raqamini — oladi.

4. Ma’lumotlardan nima uchun foydalanamiz?

Qisqacha: Xizmatlarni ko‘rsatish va yaxshilash uchun.

Menzil Park shaxsiy ma’lumotlardan faqat oldindan belgilangan va qonuniy maqsadlarda foydalanadi. Bu maqsadlarga Xizmatlarni ko‘rsatish, foydalanuvchi murojaatlarini qabul qilish va ularga javob berish, Xizmatlarga oid xabarnomalarni yuborish, shuningdek Xizmatlar sifatini tahlil qilish va takomillashtirish kiradi.

Shaxsiy ma’lumotlar ushbu Siyosatda ko‘rsatilgan maqsadlarga mos kelmaydigan boshqa maqsadlarda qayta ishlanmaydi.

5. Ma’lumotlar kimlar bilan ulashiladi?

Qisqacha: ma’lumotlaringizni sotmaymiz va uchinchi shaxslarga faqat Xizmatlarni ko‘rsatish uchun zarur hajmda uzatamiz.

Menzil Park foydalanuvchilarning shaxsiy ma’lumotlarini uchinchi shaxslarga sotmaydi, ijaraga bermaydi va ulardan boshqa tijorat maqsadlarida foydalanmaydi.

Shaxsiy ma’lumotlar faqat Xizmatlarni ko‘rsatish uchun zarur bo‘lgan hajmda va faqat Xizmatlarning ishlashini ta’minlaydigan hamkorlarga uzatilishi mumkin:

• to‘lov tashkilotlari — to‘lov operatsiyalarini amalga oshirish maqsadida;
• texnik xizmat ta’minotchilari — xabarnomalarni yuborish va saytdan foydalanishga oid analitikani yuritish maqsadida.

Hamkorlarga uzatiladigan ma’lumotlar hajmi tegishli xizmatni ko‘rsatish uchun zarur bo‘lgan hajm bilan cheklanadi.

6. Cookie’lardan foydalanamizmi?

Qisqacha: ha — til tanlovingizni eslab qolish uchun, roziligingiz bo‘lsa esa saytga tashriflar statistikasini yuritish uchun ham.

Saytda cookie’lardan foydalanuvchi tanlagan tilni eslab qolish va saytga tashriflar statistikasini umumlashtirilgan shaklda tahlil qilish maqsadida foydalaniladi.

Analitika va reklama cookie’lari faqat foydalanuvchi saytdagi xabarnoma orqali rozilik bergandan so‘nggina faollashadi. Berilgan rozilikni saytning pastki qismidagi “Cookie sozlamalari” havolasi orqali istalgan vaqtda o‘zgartirish mumkin.

Foydalanuvchi cookie’larni brauzer sozlamalari orqali istalgan vaqtda o‘chirishi yoki ularning saqlanishini cheklashi mumkin. Bunda saytning ayrim funksiyalari to‘liq yoki qisman ishlamasligi mumkin.

7. Ma’lumotlar qancha vaqt saqlanadi?

Qisqacha: Xizmatlarni ko‘rsatish uchun zarur bo‘lgan muddat davomida.

Shaxsiy ma’lumotlar ularni yig‘ish maqsadiga erishish va Xizmatlarni ko‘rsatish uchun zarur bo‘lgan muddat davomida, shuningdek Ozarbayjon Respublikasi qonunchiligiga muvofiq saqlanadi.

Saqlash muddati ma’lumot turiga, uni qayta ishlash maqsadiga va qo‘llaniladigan qonunchilik talablariga qarab belgilanadi.

8. Ma’lumotlar qanday himoyalanadi?

Qisqacha: ma’lumotlaringizni himoya qilish uchun tashkiliy va texnik choralar ko‘ramiz.

Menzil Park shaxsiy ma’lumotlarning ruxsatsiz olinishi, o‘zgartirilishi, tarqatilishi yoki yo‘q qilinishining oldini olish maqsadida zarur tashkiliy va texnik choralarni ko‘radi.

Ma’lumotlar shifrlangan ulanish orqali uzatiladi, ularga kirish esa faqat tegishli vakolatga ega shaxslar bilan cheklanadi.

Shunday bo‘lsa-da, internet tarmog‘i orqali uzatiladigan yoki elektron shaklda saqlanadigan ma’lumotlarning to‘liq xavfsizligiga hech bir texnik vosita mutlaq kafolat bera olmaydi.

9. Bolalardan ma’lumot yig‘amizmi?

Qisqacha: Xizmatlar 18 yoshga to‘lmagan shaxslarga mo‘ljallanmagan.

Xizmatlar 18 yoshga to‘lmagan shaxslar uchun mo‘ljallanmagan. Menzil Park 18 yoshga to‘lmagan shaxslardan bila turib shaxsiy ma’lumot yig‘maydi.

Bunday ma’lumotlar yig‘ilgani aniqlangan taqdirda, Menzil Park ushbu ma’lumotlarni o‘chirish uchun o‘rinli choralarni ko‘radi. Bu haqda ma’lumoti bo‘lgan shaxslar info@menzilpark.az manziliga murojaat qilishlari mumkin.

10. Ma’lumotlaringizga oid qanday murojaat qilish mumkin?

Qisqacha: ma’lumotlaringizga oid bizga murojaat qilishingiz mumkin.

Foydalanuvchilar o‘zlarining shaxsiy ma’lumotlariga oid savol va murojaatlarini info@menzilpark.az elektron pochta manziliga yuborishlari mumkin.

Kelib tushgan murojaatlar Ozarbayjon Respublikasining “Shaxsiy ma’lumotlar to‘g‘risida”gi Qonuniga va boshqa tegishli normativ-huquqiy hujjatlarga muvofiq ko‘rib chiqiladi.

Murojaatni ko‘rib chiqish uchun Menzil Park murojaat qilgan shaxsning shaxsini tasdiqlash maqsadida qo‘shimcha ma’lumot talab qilishi mumkin.

11. Ushbu siyosat yangilanadimi?

Qisqacha: ha, Xizmatlar va qonunchilik o‘zgarishiga qarab.

Menzil Park Xizmatlar, ish jarayonlari yoki qo‘llaniladigan qonunchilik o‘zgarishi munosabati bilan ushbu Siyosatga o‘zgartirishlar kiritishi mumkin.

Siyosatning yangilangan tahriri ushbu sahifada e’lon qilinadi va sahifaning yuqori qismida ko‘rsatilgan “Oxirgi yangilanish” sanasi tegishli tartibda o‘zgartiriladi. Yangilangan tahrir e’lon qilingan paytdan boshlab kuchga kiradi.

Foydalanuvchilarga Siyosat bilan vaqti-vaqti bilan tanishib borish tavsiya etiladi. Yangilanishdan keyin Xizmatlardan foydalanishni davom ettirish Siyosatning yangilangan tahririga rozilik sifatida baholanadi.

12. Biz bilan qanday bog‘lanish mumkin?

Ushbu Siyosatga oid savol, taklif va murojaatlaringizni quyidagi rekvizitlar bo‘yicha yuborishingiz mumkin:

• Kompaniya: “MƏNZİL PARK” Məhdud Məsuliyyətli Cəmiyyəti
• VÖEN (STIR): 1703785161
• Elektron pochta: info@menzilpark.az
• Manzil: Bayıl Plaza, Qurban Abbasov küç. 29, Bakı

Xizmatlardan foydalanish qoidalari Foydalanish shartlari sahifasida belgilangan.