İstifadə şərtləri

1. Ümumi müddəalar

Bu İstifadə şərtləri Mənzilpark platformasından — menzilpark.az saytından, Mənzil Park mobil tətbiqindən, idarəetmə panelindən və onlar vasitəsilə göstərilən xidmətlərdən istifadə qaydalarını müəyyən edir.

Platformanın operatoru “MƏNZİL PARK” Məhdud Məsuliyyətli Cəmiyyətidir (VÖEN: 1703785161; bundan sonra — “Mənzilpark”).

Xidmətlər Azərbaycan Respublikası Rəqəmsal İnkişaf və Nəqliyyat Nazirliyinin fərdi məlumatların informasiya ehtiyatlarının formalaşdırılması və informasiya sistemlərinin yaradılması, onlara xidmətlərin göstərilməsi üzrə 589 nömrəli lisenziyasına əsasən göstərilir.

Platformadan istifadə etməklə siz bu şərtlərlə tanış olduğunuzu və onları qəbul etdiyinizi təsdiq edirsiniz. Şərtlərlə razı deyilsinizsə, platformadan istifadə etməməyiniz xahiş olunur.

Mənzilpark ilə ayrıca müqavilə bağlamış təşkilatlar üçün həmin müqavilənin şərtləri bu sənədə nisbətən üstünlük təşkil edir.

2. Anlayışlar

• Platforma — menzilpark.az saytı, Mənzil Park mobil tətbiqi, idarəetmə paneli və onlarla bağlı xidmətlər.
• İstifadəçi — platformadan istənilən formada istifadə edən şəxs.
• Birdəfəlik giriş linki — sakinin qonaq və ya kuryer üçün yaratdığı və müəyyən əməliyyatı (qapını açmaq, lifti çağırmaq, şlaqbaumu qaldırmaq) bir dəfə icra etməyə imkan verən link.

3. Göstərilən xidmətlər

• Bina idarəetmə: sakinlərin qeydiyyatı, xidmət haqlarının hesablanması və ödənilməsi, sakin müraciətləri, bina elanları və bildirişlər.
• Parkinq: nömrəni tanıyan kameralar vasitəsilə giriş-çıxışın idarəsi, saatlıq ödənişli giriş, aylıq abunə və icazəli girişlər, onlayn parkinq ödənişi.
• Giriş nəzarəti: blok qapısı, lift və həyət darvazası üçün giriş icazələri və birdəfəlik giriş linkləri.

Konkret binada hansı xidmətlərin mövcud olması həmin binada istifadə olunan funksiyalardan və texniki avadanlıqdan asılıdır.

4. Hesab və təhlükəsizlik

• Platformadan istifadə zamanı təqdim olunan məlumatlar düzgün və aktual olmalıdır; dəyişiklik olduqda onların yenilənməsi xahiş olunur.
• Hesabınıza giriş məlumatlarını (təsdiq kodları, şifrələr) başqaları ilə paylaşmamalısınız. Hesabınızdan edilən əməliyyatlara görə məsuliyyət sizin üzərinizdədir.
• Hesabınızdan icazəsiz istifadə edildiyindən şübhələnirsinizsə, dərhal bizimlə əlaqə saxlayın.

5. İstifadəçinin öhdəlikləri

Platformadan istifadə edərkən aşağıdakılar qadağandır:

• başqasının adından və ya hesabından icazəsiz istifadə etmək;
• yanlış və ya başqasına aid məlumat (o cümlədən başqasının avtomobil nömrə nişanı) daxil etmək;
• giriş icazələrindən və birdəfəlik giriş linklərindən icazəsi olmayan şəxslərin binaya daxil olması üçün istifadə etmək;
• platformanın işinə müdaxilə etmək, onun təhlükəsizlik tədbirlərini aşmağa və ya kodunu dəyişməyə cəhd etmək;
• qanunvericiliyə zidd və ya digər istifadəçilərin hüquqlarını pozan hərəkətlər etmək.

6. Ödənişlər

• Xidmət haqlarının, parkinq ödənişlərinin və abunələrin məbləği binada tətbiq olunan tariflərə uyğun müəyyən edilir və ödənişdən əvvəl sizə göstərilir.
• Onlayn ödənişlər lisenziyalı ödəniş təşkilatı (hazırda GoldenPay) vasitəsilə həyata keçirilir və həmin təşkilatın qaydaları ilə tənzimlənir. Kart məlumatları ödəniş təşkilatının səhifəsində daxil edilir; Mənzilpark onları qəbul etmir və saxlamır. Ətraflı: goldenpay.az/policy.
• Uğurlu ödənişdən sonra ödəniş təsdiqi (tarix, məbləğ, əməliyyat kodu) göstərilir.

7. Birdəfəlik giriş linkləri

• Sakin birdəfəlik giriş linkini yalnız binaya daxil olmasına icazə verdiyi şəxslə paylaşmalıdır. Linkin kimə göndərilməsinə görə məsuliyyət onu yaradan sakinin üzərindədir.
• Link vasitəsilə hər əməliyyat (qapı, lift, şlaqbaum) bir dəfə icra oluna bilər; istifadə edilmiş əməliyyat yenidən aktiv olmur.
• Link vasitəsilə edilən əməliyyatlar təhlükəsizlik məqsədilə qeydə alınır.

8. Əqli mülkiyyət

Platformanın proqram təminatı, dizaynı, mətnləri, loqosu və “Mənzil Park” adı Mənzilpark-a məxsusdur və ya qanuni əsasla istifadə olunur. Onların icazəsiz surətinin çıxarılması, yayılması və ya dəyişdirilməsi qadağandır.

9. Məsuliyyətin məhdudlaşdırılması

• Mənzilpark platformanın fasiləsiz və xətasız işləməsi üçün ağlabatan səy göstərir, lakin texniki işlər, internet bağlantısındakı problemlər və ya üçüncü tərəflərin (banklar, rabitə operatorları) xidmətlərindəki nasazlıqlar səbəbindən yaranan fasilələrə görə məsuliyyət daşımır.
• Mənzilpark binada quraşdırılmış fiziki avadanlığın texniki vəziyyətinə görə məsuliyyət daşımır.
• Mənzilpark platformaya digər istifadəçilər tərəfindən daxil edilən məlumatların düzgünlüyünə görə məsuliyyət daşımır.

10. Xidmətin dəyişdirilməsi və dayandırılması

Mənzilpark platformanın funksiyalarını yeniləyə, dəyişdirə və ya texniki işlər üçün müvəqqəti dayandıra bilər. Bu şərtləri pozan istifadəçinin platformaya girişi məhdudlaşdırıla və ya dayandırıla bilər.

11. Şəxsi məlumatlar

Şəxsi məlumatların toplanması və işlənməsi Məxfilik siyasəti ilə tənzimlənir.

12. Tətbiq olunan hüquq və mübahisələrin həlli

Bu şərtlər Azərbaycan Respublikasının qanunvericiliyinə uyğun tənzimlənir. Mübahisələr ilk növbədə danışıqlar yolu ilə həll edilir; razılıq əldə olunmadıqda, mübahisələr Azərbaycan Respublikasının məhkəmələrində qanunvericiliklə müəyyən edilmiş qaydada həll olunur.

13. Şərtlərdə dəyişikliklər

Bu şərtlər yenilənə bilər. Yenilənmiş versiya bu səhifədə dərc olunur və “Son yenilənmə” tarixi dəyişdirilir. Dəyişiklikdən sonra platformadan istifadəni davam etdirməyiniz yenilənmiş şərtləri qəbul etdiyiniz deməkdir.

14. Əlaqə

• Şirkət: “MƏNZİL PARK” Məhdud Məsuliyyətli Cəmiyyəti
• VÖEN: 1703785161
• E-poçt: info@menzilpark.az
• Ünvan: Bayıl Plaza, Qurban Abbasov küç. 29, Bakı